Юрий Гагарин мектеп-лицейінде 2019-2020 оқу жылы

29 қараша күні қазақ тілі мен әдебиет пәнінің мұғалімі Несипбекова Бота Нурлановна 6"В" сыныбымен Хакім Абайдың 175 жылдық мерейтойына арналған ашық сабағын өткізді. Ұлыларымызды ұлықтап, даналарымызды төрге оздыру- халқымыздың мерейін үстем ету игілікті дәстүр. Біз осы ұлы тұлға арқылы қазақ даласында ежелден өркениеттің, білім мен ғылымның, әдебиеттің өркен жайғанын бүкіл әлемге паш етуіміз керек. Сондықтан бұл мерейтой бәріміз үшін үлкен сын, тарихи жауапкершілік деп білемін. Мақсаты– Ұлы ақынның өнегелі өмірімен таныстыру, ақынның даналығын, рухани асыл мұраларын насихаттап, өлеңдерін, әндерін мәнерлеп айтқызу. Көркем сөйлеуге , өз бетімен іздене білуге , шығармашылықпен жұмыс істеуге көмектесу. Ашық сабақ барысында, оқушылар халқымыздың ұлы ойшылы, ақыны Абай Құнанбайұлының өмірі мен шығармашылығы жайлы мәлімет айтып, әнін нақышына келтіріп орындап, өлеңдерін мәнерлеп оқып, Бала Абайға көрініс көрсетті.