Кел, балалар, оқылық!

Кел, балалар, оқылық!

Жадыраған жаз бітіп, барлық оқушылар өздерінің білім ордаларына оралуда.

Келешек кепілі – кемел білім. Қазақстандағы қазіргі білім беру жүйесінің көркеюі адам капиталының рөлін бағалауға, тең білім алу мүмкіндіктерін туғызуға, сапалы білім беру стандарттарына қол жеткізуге көңіл бөле отырып жүргізуді қарастырған.

1 қыркүйек білім күніне орай Ю.Гагарин атындағы мектеп-лицейінде «Кел, балалар, оқылық!» атты салтанатты жиын өтті. Шара карантиндік талаптарды сақтай отыра ата-аналардың қатысуынсыз өткізілді. Білім күніне арналған салтанатты жиынға облыс әкімдігінің ішкі саясат басқармасының басшысы Жамангозов Бейқұт Тілебалдыұлы, аудан әкімдігінің ішкі саясат бөлімінің басшысы Сәмбетов Мадияр Әбілханұлы арнайы қатысып, мектеп табалдырығын жаңадан аттаған бүлдіршіндерге ақжарқын тілектерін арнады. Мектеп директоры Бегманова Дәметкен Әбілекқызы өткен оқу жылында жеткен жетістіктерге тоқтала келе, барша ұстаздар мен оқушыларды сапалы білім мен саналы тәрбие жолында аянбай еңбек етуге шақырды.

   Бүгінде мектебімізде 140 оқушы білім жолына жаңа қадам бастады. Биылғы жылдың ерекшелігі Тәуелсіздігіміздің 30 жылдығы қарсаңында қазақ   Әліппесі қайта оралуы. Әліппе  – бүлдіршіндердің алғашқы оқулығы. Әліппе ұлт ұстазы Ахмет Байтұрсынұлының әдістемесі негізінде жасалынып, білім күніне орай оқушыларымызға салтанатты түрде табысталды.