ЖАС ТҮЛЕК 2022 — ЖАҢА ҚАЗАҚСТАННЫҢ ЕРТЕҢІ

ЖАС ТҮЛЕК 2022 — ЖАҢА ҚАЗАҚСТАННЫҢ ЕРТЕҢІ 

Соңғы қоңырау жас жеткіншек ұрпақтары үшін ұмытылмас сәт.

Биылғы 2022 жыл қазақстандықтар үшін ерекше жыл, себебі  Мемлекет басшысы Қасым-Жомарт Тоқаевтың пәрменімен «2022 жыл – Балалар жылы» деп аталды.

        Кеше ғана тұлымдары желбіреп, жүректері лүпілдеп, мектеп қабырғасын имене аттаған ұл - қыздарымыз ойы толып, бойы өсіп, алтын ұя мектебімен қоштасқалы отыр. 

Міне тағы бір оқу жылы аяқталып, біздің мектебіміздің 2011 жылы мектеп табалдырығын аттаған түлектеріміздің  37 түлегі бүгінгі салтанатты жиында балалықпен, мектеппен қоштасқалы тұр.

Жамбыл ауданының әкімі Ерлан Қыдыралыұлы  қатысып жас түлектерге сәттілік тіледі.  Ата – аналар жас түлектерімізді құттықтап, болашақтарынан үміт күтетіндерін жеткізіп, ұстаздарымызға алғысын жаудырды.

Жаңа Қазақстанның ертеңі - бүгінгі түлектерге СӘТ САПАР тілейміз!